Slide 1 of 1
Accident News मृत्यूचे तांडव....... मुंबई-बीड बस आणि रुग्णवाहिकेला अपघातात 10जणांचा मृत्यू
बीड जिल्ह्यातील दुर्घटना ः
अशोक बालगुडे
बीड, दि. 26 ः : आष्टी (जि. बीड) तालुक्यात दोन वेगवेगळ्या अपघातांमध्ये दहा जणांचा जागीच मृत्यू झाला. यात पहिला अपघात रुग्णवाहिका-ट्रक, तर दुसरा सागर ट्रॅव्हल्सच्या खासगी बसला अपघात झाला. दोन्ही अपघातात आतापर्यंत दहा जणांना प्राण गमवावे लागल्याची माहिती पोलिसांनी दिली.
बीड-धामणगाव-अहमदनगरकडे जाणाऱ्या रस्त्यावर दौलावडगावजवळ असलेल्या बँकॉक कंपनीकडे वळत असताना ट्रक आणि रुग्णवाहिकेचा भीषण अपघात झाला.
तर जामखेड अहमदनगर मार्गावर आष्टा फाट्याजवळ सागर ट्रॅव्हल्स या खाजगी बसच्या चालकाचे गाडीवरील नियंत्रण सुटल्याने ही बस पलटी झाली. या अपघातात सहा जणांचा जागीच मृत्यू झाला. नऊ जण गंभीर जखमी झाले असून, प्रवाशांना बाहेर काढताना मोठी कसरत करावी लागली.
अपघाताची घटना घडल्यानंतर आष्टीचे आमदार सुरेश धस तात्काळ घटनास्थळी दाखल झाले. अपघातग्रस्त प्रवाशांना मदत पोहोचवण्याची प्रक्रिया सुरू केली असून या अपघातामुळे बीड-नगर हायवेवर प्रचंड गर्दी पाहायला मिळाली. यात मोठ्या प्रमाणात ट्राफिक जामही झाला होता.
Tags:
Like
Comment
Share