ऑर्डरला उशीर झाल्याचे कारण देत लुबाडणारे जेरबंद

हडपसर पोलिसांची कारवाई ः पुणे, दि. 21 ः ऑर्डरला उशीर झाला पैसे देणार नाही, असे म्हणत झोमॅटोमध्ये पार्टटाईन डिलिव्हरी करणाऱ्याला रात्रीच्या वेळी लुबाडणाऱ्या तिघांना अटक केली. अरुण दिगंबर राऊत (वय 20) आणि कुणाल कैलास गायकवाड (वय 20, दोघेही रा. पवारआळी, फुरसुंगी, पुणे) अशी अटक केलेल्यांची नावे आहेत. आरोपीकडून मोबाईल व रोख रक्कम जप्त करण्यात आला. याप्रकरणी नितेश कांबळे (वय 23) यांनी हडपसर पोलीस स्टेशनमध्ये फिर्याद दिली आहे. पोलिसांनी सांगितले की, झोमॅटोद्वारे जेवणाची ऑर्डर मागवून ऑर्डरला उशीर झाला, तुला पैसे देणार नाही, असे सांगत तिघांनी पाच हजार 200 रुपये, रेडमी कंपनीचा मोबाईल काढून घेतले, दोन हजार 880 रुपये ऑनाइन घेऊन लुबाडणारे फुरसुंगीत थांबल्याची माहिती मिळाली. त्यानुसार पोलिसांनी घटनास्थळी धाव घेत आरोपीला अटक केली. आरोपीकडून 10 हजार 200 रुपयांचा मुद्देमाल जप्त केला. सहायक पोलीस आयुक्त अश्विनी राख, हडपसर पोलीस स्टेशनचे वरिष्ठ पोलीस निरीक्षक रवींद्र शेळके, पोलीस निरीक्षक (गुन्हे) विश्वास डगळे, पोलीस निरीक्षक (गुन्हे) संदीप शिवले यांच्या सूचनेप्रमाणे सहायक पोलीस निरीक्षक विजयकुमार शिंदे, पोलीस उपनिरीक्षक अविनाश शिंदे, पोलीस अंमलदार सुशील लोणकर, संदीप राठोड, समीर पांडुळे, सचिन जाधव, शाहीद शेख, प्रशांत दुधाळ, निखील पवार, अतुल पंधरकर, भगवान हंबर्डे, अनिरुद्ध सोनवणे, सचिन कोरखे, प्रशांत टोणपे, अजित मदने, चंद्रकांत रेजीतवाड, मनोज सुरवसे, अमोल दणके, कुंडलिक केसकर, रशीद शेख यांच्या पथकाने ही दमदार कामगिरी केली.