शिक्षक लोकशाही आघाडीचा सागर तांबडे यांना आदर्श शिक्षक पुरस्कार

अशोक बालगुडे पुणे, दि. १७ : पुणे शहर शिक्षक लोकशाही आघाडी व माध्यमिक शिक्षक संघ यांच्या संयुक्त विद्यमाने हडपसरमधील ‘अण्णासाहेब मगर महाविद्यालयातील शिक्षक सागर तांबडे यांना ‘आदर्श शिक्षक पुरस्कार’ देऊन सन्मानित करण्यात आले. कोंढव्यातील के. जे. शैक्षणिक संकुलमध्ये पुणे शहर शिक्षक लोकशाही आघाडीच्या वतीने कार्यक्रमाचे आयोजन केले होते. याप्रसंगी माजी आमदार नानासाहेब बोरस्ते, हिरालाल पगडाल, जी. के. थोरात, नंदकुमार सागर, अविनाश ताकवले, शिवाजीराव कामथे, सचिन दुर्गाडे, वसंतराव ताकवले, चित्रपट निर्माते व दिग्दर्शक राजेंद्र बरकडे, अरविंद मोडक उपस्थित होते. यावेळी पुणे जिल्ह्यातील प्राथमिक शिक्षक, माध्यमिक शिक्षक आणि शिक्षतेतर कर्मचारी अशा एकूण ५७ जणांचा सन्मान करण्यात आला. उपमुख्यमंत्री अजितदादा पवार, मानद सचिव अॅड. संदीप कदम, उपाध्यक्ष राजेंद्र घाडगे, उपसचिव एल. एम. पवार, खजिनदार अॅड. मोहनराव देशमुख, सहसचिव ए. एम. जाधव, प्राचार्य डॉ. नितीन घोरपडे, उपप्राचार्य डॉ. प्रशांत मुळे, डॉ. शुभांगी औटी, विलास शिंदे, अनिल जगताप, अधीक्षक गणेश साबळे यांनी सागर तांबडे यांचे विशेष अभिनंदन केले.