वाचन संकल्प महाराष्ट्राचा" पुस्तक परिक्षण पोर्टल सर्वांसाठी खुले : डॉ.संजय देसले* (संचालक, जयकर ज्ञानस्त्रोत केंद्र)

राज्यातील उच्च शिक्षण संस्थांमध्ये शिकणाऱ्या विद्यार्थ्यांसाठी शासनाने "वाचन संकल्प महाराष्ट्राचा " उपक्रम राबवला जात आहे. या उपक्रमाअंतर्गत विद्यार्थ्यांना अभ्यासक्रमाव्यतिरिक्त अन्य कोणतेही पुस्तक वाचायचे आहे. या पुस्तकावर किमान ५०० शब्दांचे परीक्षण किंवा पाच मिनिटांचे सादरीकरण करायचे असून त्यासाठी वाचनीय पुस्तकांची यादी प्रसिद्ध करून उच्च शिक्षण संस्थेने विद्यार्थ्यांना पुस्तके उपलब्ध करून द्यायची आहेत अशा सूचनाही त्यांनी केल्या आहेत. तसेच स्पर्धेतील विजेत्या परीक्षणांचा समावेश महाविद्यालयाच्या वार्षिक अंकात करून स्पर्धेतील विजेत्यांना २६ जानेवारी रोजी पारितोषिक प्रदान करण्यात यावे असेही सांगितले आहे. ‘वाचन संकल्प महाराष्ट्राचा’ हा उपक्रम १ ते १५ जानेवारी या कालावधीत राबवण्यात येणार आहे. त्यात सामूहिक वाचन, वाचन संवाद, वाचन कौशल्य कार्यशाळा, लेखक विद्यार्थी संवाद, पुस्तक परीक्षण आणि कथन स्पर्धा असे उपक्रम राबवण्यात येणार आहेत असेही त्यांनी नमूद केले आहे. सावित्रीबाई फुले पुणे विद्यापीठ येथील जयकर ग्रंथालय यांनी या उपक्रमासाठी विद्यापीठाशी संलग्नित महाविद्यालयातील ग्रंथपाल यांना एकत्रित करून नावीन्यपूर्ण एक आगळा वेगळा प्रकल्प हाती घेतला आहे तो म्हणजे " पुस्तक परिक्षण पोर्टल" जयकर ग्रंथालयाचे संचालक डॉ.संजय देसले यांनी याबाबत सांगितले की, ग्रंथपाल हा महाविद्यालयाचा महत्त्वाचा घटक असून वाचनसंस्कृती रुजवण्यात् तसेच वृद्धिंगत करण्यात त्याचा खूप मोठा वाटा आहे. "वाचन संकल्प महाराष्ट्राचा" हा उपक्रम ग्रंथपालांना एक वेगळा प्रयोग करण्याची मोठी संधी आहे. इंटरनेट च्या युगात सर्वांच्याच मनात हा भ्रम निर्माण झाला आहे की इंटरनेट वर सर्व माहिती उपलब्ध आहे. आपण त्यांना हे सांगणे गरजेचे आहे की इंटरनेट वरची सर्वच माहिती खरी नसते खरी माहिती तुम्हाला ग्रंथालयात उपलब्ध असते. जयकर नॉलेज सेंटर, सावित्रीबाई फुले विद्यापीठाने संलग्न महाविद्यालयांच्या महाविद्यालयीन ग्रंथपालांच्या समन्वयाने स्वेच्छेने ही सर्व पुस्तक परीक्षणे गोळा करण्याचा प्रकल्प घेतला आणि तो या पोर्टलवर ठेवला. ही सर्व पुस्तक परीक्षणे लोकांसाठी २४/७ विनामूल्य उपलब्ध आहेत. पुस्तक वाचन आणि पुस्तक समीक्षा लिहिणे ही निरंतर प्रक्रिया असल्याने या शासकीय मोहिमेदरम्यान हाती घेण्यात आलेला प्रकल्प या मोहिमेनंतरही सुरू राहणार आहे. यासाठी आम्ही (brlibrary.unipune.ac.in) हे पुस्तक परिक्षण पोर्टल तयार केले असून. या प्रकल्पामध्ये सहभागी सर्व ग्रंथपालांनच्या वेगवेगळ्या समित्या स्थापन केल्या आहेत. सर्व सहभागी परीक्षण कर्त्यांचे पुस्तक परीक्षण सदर पोर्टल वर सर्वांसाठी उपलब्ध करून देण्यात येणार आहे. आता पुस्तक परीक्षण पोर्टल (brlibrary.unipune.ac.in) सर्वांसाठी पुस्तक परिक्षण अपलोड करण्यासाठी तयार आहे. प्रत्येक महाविद्यालय साठी एक समन्वयक दिला आहे. प्रत्येक महाविद्यालयाने त्यांना संपर्क साधून आपली पुस्तक परीक्षणे पोर्टलवर अपलोड करून घेण्याचे आवाहन केले आहे. सर्व महाविद्यालयांनी आपल्या विद्यार्थी तसेच प्राध्यापक यांचेकडून पुस्तक परिक्षण पोर्टल वर असलेल्या नमुण्यामध्ये तयार करून घेऊन आपल्या महाविद्यालयातील ग्रंथपाल यांचेशी संपर्क साधून पुढील अपलोड करण्याची कार्यवाही करून "वाचन संकल्प महाराष्ट्राचा" या उपक्रमाअंतगत पुस्तकांचे व ग्रंथालयांचे महत्त्व विद्यार्थ्यांना पटवून देण्यासाठी व त्यांचा सर्वांगीण विकास होईल याच्यासाठी प्रयत्न करावे असे आवाहन केले आहे
https://brlibrary.unipune.ac.in/